நெல்லையில் கடத்தப்பட்ட பெண் குழந்தை திருச்செந்தூரியில் மீட்பு!

ஆத்தங்கரை பள்ளிவாசல் தர்க்காவில் தூங்கி கொண்டிருந்த தம்பதியரிடம் இருந்து கடத்தபட்ட 2 1/2 வயது பெண் குழந்தை திருசெந்தூரில் மீட்கப்பட்டுள்ளது.

நெல்லை மாவட்டம் ராதாபுரம் அருகே ஆத்தங்கரை பள்ளிவாசலில் மிகவும் பிரசித்தி பெற்ற தர்கா ஒன்று அமைந்துள்ளது. இந்த தர்காவிற்கு தமிழ்நாடு மட்டுமல்லாமல் கேரளாவிலிருந்து ஏராளமான முஸ்லிம் பக்தர்கள் வந்து செல்கின்றனர். இங்கு அவர்கள் தங்கள் வேண்டுதல் நிறைவேறுவதற்காக நேர்த்தி கடனை செலுத்துகின்றனர். அதேபோல் நேற்று தென்காசி மாவட்டம் கடையநல்லூரில் இருந்து சாகுல் ஹமீது மற்றும் அவரது மனைவி நாகூர் மீரா இவரது மகன் மற்றும் 2 1/2 வயது சிறு குழந்தை நஜிலா பாத்திமா ஆகியோர் நேற்று முன்தினம் நேர்திகடன் செலுத்துவதற்காக ஆத்தாங்கரை பள்ளிவாசலுக்கு சென்றிருந்தனர்.

பின்பு சாகுல் ஹமீது அவரது மகன் மற்றும் மகளுக்கு மொட்டை அடித்து நேர்திகடன் செலுத்தியுள்ளார். இரவு நேரம் ஆகிவிட்டதால் தர்காவில் உள்ள திண்ணையில் குழந்தைகளுடன் சாகூல் ஹமீது மற்றும் நாகூர் மீரா படுத்து தூங்கி விட்டனர். பின்பு காலையில் எழுந்திருக்கும் போது பெண் குழந்தை நஜிலா பாத்திமாவை காணவில்லை. ஆகையால் பதறி அடித்து போய் பெற்றோர்கள் குழந்தையை அங்கும் இங்கும் தேடினர். தேடியும் கிடைக்காததால் கூடங்குளம் போலீசாருக்கு தகவல் கொடுத்தனர்.

இதனை அடுத்து கூடங்குளம் போலீசார் அங்கு வந்து அங்கு இருந்த சிசிடிவிகளை ஆய்வு செய்தனர். சிசிடிவி ஆய்வில் அதிகாலையில் நான்கு முப்பது மணி அளவில் தூங்கிக் கொண்டிருந்த நஜிலா பாத்திமாவை பெண் ஒருவர் தோளில் போட்டு வெளியே நிறுத்தி வைக்கப்பட்டிருந்த காரில் ஏறி சென்றது தெரியவந்தது. இதனால் போலீசார் தனிப்படை அமைத்து அந்த காரை தேடும் பணியில் தீவிரமாக ஈடுபட்டு வந்தனர்.

அப்போது ஆத்தங்கரை பள்ளிவாசலில் தனியார் லாட்ஜில் தங்கி இருந்த நபர்களின் விவரங்கள் சேரிக்கப்பட்டது .அப்போது தவறான தகவல்களுடன் இரண்டு அறைகளில் தம்பதியர் ஒரு முதியவர் என மூன்று பேர் தங்கி இருந்தது கண்டுபிடிக்கப்பட்டது. இதில் அந்த முதியவர் போலீஸ் வலையில் சிக்கினார். அவர் கொடுத்த தகவலின் அடிப்படையில் ஒரு தனி பிரிவினர் கேரளாவிற்கு விரைந்தினர். மேலும் வேறு சில பகுதிகளுக்கும் போலீசார் குழந்தையை தேடி சென்றனர். இந்த நிலையில் குழந்தை தீவிரமாக தேடப்பட்டு வருவது கடத்தப்பட்டவர்களுக்கு தெரியவந்தது. இதனால் அதிர்ச்சி அடைந்தவர்கள் குழந்தையை இன்று காலை திருச்செந்தூரில் இருந்து குலசேகரபட்டிணம் செல்லும் சாலையில் உள்ள தனியார் மருத்துவமனை அருகில் துண்டு விரித்து படுக்க வைத்து விட்டு சென்றுள்ளனர்.

பின்பு கண்விழித்த அந்த குழந்தை அழ ஆரம்பித்துள்ளது. குழந்தை தனியாக அழுவது குறித்து அருகில் இருந்தவர்கள் தாய் தந்தையை தேடி உள்ளனர் யாருமில்லாததால் திருச்செந்தூர் போலீஸாருக்கு தகவல் அளித்துள்ளனர். திருச்செந்தூர் போலீசார் குழந்தையை பத்திரமாக மீட்டு திருச்செந்தூர் மகளிர் காவல் நிலையம் கொண்டு வந்தனர். பின்பு கூடங்குளம் போலீசாருக்கு தகவல் கொடுத்து இங்கு ஒரு குழந்தை மீட்க்கப்பட்டுள்ளது இது ஆத்தங்கரை பள்ளிவாசலில் காணாமல் போன குழந்தையாக இருக்கலாம் என்று கூறினர். பின்பு அது ஆற்றங்கரை பள்ளிவாசலில் காணப்போன நஜிலா பாத்திமா என்பது உறுதி செய்யப்பட்டது.

தற்போது மீட்கப்பட்ட குழந்தையானது திருச்செந்தூர் அனைத்து மகளீர் காவல் நிலையத்தில் வைத்துள்ளனர்.

நேற்று அதிகாலை கடத்தப்பட்ட குழந்தையை 24 மணி நேரத்தில் காவல்துறையினர் திறமைப்பட மீட்டதால் குழந்தையின் பெற்றோர்கள் மட்டுமல்லாமல் ஆற்றாங்கரை பள்ளிவாசலில் உள்ள பொதுமக்களும் காவல்துறையினரை வெகுவாகப் பாரட்டி வருகின்றனர்.

Leave a Reply

Your email address will not be published.