கீழமை நீதிமன்றங்களுக்கு உயர் நீதிமன்ற மதுரைக்கிளை அதிரடி உத்தரவு!

தமிழகத்தில் உள்ள அனைத்து கீழமை நீதிமன்றங்களில் விசாரிக்கப்படும் அனைத்து வழக்குகளின் உத்தரவுகளை உடனடியாக நீதிமன்ற வலைதளத்தில் ecourts.gov.in பதிவேற்றம் செய்ய உயர் நீதிமன்ற மதுரை கிளை உத்தரவு

நீதிமன்ற உத்தரவுகளை முறையாக பதிவேற்றம் செய்யாததால் வழக்கின் பழைய நிலைகளை மறைத்து புதிய உத்தரவுகள் பெறப்படுகிறது –
நீதிபதி புகழேந்தி கருத்து

உரிய நேரத்தில் நீதிமன்றத்திற்கு அனைத்து தகவல்களையும் தந்த அரசு வழக்கறிஞர் செந்தில்குமார் க்கு உயர் நீதிமன்ற மதுரை கிளை பாராட்டு.

குறிப்பாக ஜாமின் மனுக்கள் முன்ஜாமின் மனுக்கள் மற்றும் தீர்ப்புகள் உடனடியாக பதிவேற்றம் செய்ய நடவடிக்கை எடுக்க வேண்டும் – நீதிபதி

மதுரையைச் சேர்ந்த பிரபாகரன் இவர் கஞ்சா கடத்திய வழக்கில் கைது செய்யப்பட்டு மதுரை மத்திய சிறையில் உள்ளார் இவர் மீது 300 கிலோ கஞ்சா கடத்தலுக்கு உதவி செய்த்தாக
போதை தடுப்பு பிரிவு சிறப்பு போலீசார் வழக்கு பதிவு செய்து சிறையில் அடைக்கப்பட்டார்.

இவர் இந்த வழக்கில் தனக்கு ஜாமீன் வழங்க கோரி மனு தாக்கல் செய்தார் இந்த மனுவை விசாரணை செய்த நீதிபதி புகழேந்தி இவருக்கு ஜாமின் வழங்க மறுத்து மனுவை தள்ளுபடி செய்தார்.

மீண்டும் பிரபாகரன் தனக்கு ஜாமீன் வழங்க கோரி மதுரை மாவட்ட நீதிமன்றத்தில் மனு தாக்கல் செய்து அந்த மனு தள்ளுபடி ஆனதால் மீண்டும் உயர்நீதிமன்ற மதுரை கிளையில் புதிதாக மனு தாக்கல் செய்கிறார் அந்த மனுவில் பழைய விவரங்களை மறைத்து புதிதாக மனு தாக்கல் செய்வது போல் தாக்கல் செய்கின்றார் இதனை விசாரணை செய்த நீதிமன்றம் இவருக்கு ஜாமீன் வழங்கி உத்தரவு பிறப்பிக்கின்றது.

இந்த விவகாரம் அரசு வழக்கறிஞர் செந்தில்குமார் மூலம் நீதிபதி புகழேந்தி தகவல் தெரிவிக்கப்பட்டு பிரபாகரன்
வழக்கு நீதிபதி புகழேந்தி முன்பாக மீண்டும் பட்டியல் இடப்பட்டது இதனை விசாரணை செய்த நீதிபதி புகழேந்தி நீதிமன்ற உத்தரவுகளை மறைத்து தாக்கல் செய்யப்பட்ட மனுவை தள்ளுபடி செய்து உத்தரவு பிறப்பித்தார்.

மேலும் இதுகுறித்து விரிவான உத்தரவு பிறப்பித்துள்ள நீதிபதி புகழேந்தி கீழமை நீதிமன்றங்கள் விசாரணை செய்யப்படும் வழக்குகளை முறையாக நீதிமன்ற வலைதளங்களில் (ecourts.gov.in) பதிவிடுவதுமில்லை நீதிமன்ற வலைதளங்களை சோதித்த போது பெரும்பான்மையான நீதிமன்றங்கள் வலைதளங்களை பயன்படுத்தப்படாமல் உள்ளது தெரிய வருகிறது என தெரிவித்துள்ளார்.

எனவே அனைத்து கிழமை நீதிமன்ற தினந்தோறும் நடைபெறக்கூடிய அனைத்து வழக்குகளின் நிலைமைகளை நீதிமன்ற வலைதளமான ecourts.gov.in
பதிவேற்றம் செய்யப்பட வேண்டும் குறிப்பாக ஜாமின் மனுக்கள் முன்ஜாமின் மனுக்கள் மற்றும் தீர்ப்புகள் உடனடியாக பதிவேற்றம் செய்ய நடவடிக்கை எடுக்க வேண்டும் என உத்தரவு பிறப்பித்தார்.

இந்த உத்தரவை உயர்நீதிமன்ற பதிவாளர் அனைத்து கீழமை நீதிமன்றங்களுக்கும் அனுப்ப வேண்டும் எனவும் உத்தரவு பிறப்பித்துள்ளார்.

மேலும் இந்த வழக்கில் வழக்கிற்கு தேவையான அனைத்து ஆவணங்களையும் தந்து உதவிய அரசு வழக்கறிஞர் செந்தில்குமார் நீதிமன்றம் பாராட்டை தெரிவிப்பதாகவும் தெரிவித்துள்ளார்.

Leave a Reply

Your email address will not be published.