பழனி போகும் பக்தர்கள் கவனத்திற்கு… வெளியானது அதிரடி அறிவிப்பு!

Palani

பழனி முருகன் கோயிலுக்கு வரும் பக்தர்கள் கட்டாயம் முகக்கவசம் அணிய வேண்டுமென கோயில் நிர்வாகம் சார்பில் அறிவிக்கப்பட்டுள்ளது.

கொரோனா வைரஸ் தொற்று மீண்டும் வேகமாக பரவ துவங்கியுள்ள நிலையில் பொது இடங்களில் மக்கள் முக கவசம் அணிவதை தமிழக அரசு கட்டாயப்படுத்தி உள்ளது. பொது இடங்களில் முகக்கவசம் அணியாதவர்களுக்கு அபராதம் விதிக்கப்படும் எனவும் அறிவிக்கப்பட்டுள்ளது. இந்த நிலையில் பழனி முருகன் கோவிலுக்கு சாமி தரிசனம் செய்ய வருகை தரும் பக்தர்கள் அனைவரும் கட்டாயம் முகக்கவசம் அணிந்து வரவேண்டும் என கோவில் நிர்வாகம் சார்பில் அறிவுறுத்தப்பட்டு வருகின்றனர்.

மலைக் கோவிலுக்கு சாமி தரிசனம் செய்ய வரும் பக்தர்கள் முக கவசம் அணிந்து உள்ளார்களா என கோயில் ஊழியர்கள் சோதனை செய்து வருகின்றனர். மேலும் ஒரு கவசம் அணியாமல் வரும் பக்தர்களுக்கு அறநிலையத்துறை சார்பில் இலவசமாக வழங்கப்பட்டு மலைமீது அனுப்பி வைக்கப்பட்டு வருகின்றனர். கொரோனா வைரஸ் தொற்று பரவலை தடுக்க பக்தர்கள் ஒத்துழைப்பு தரவேண்டும் என அறநிலையத்துறை சார்பில் தொடர்ந்து அறிவிப்பு செய்யப்பட்டு வருகிறது. மேலும் பழனி கோயிலுக்கு வரக்கூடிய பக்தர்கள் கட்டாயம் முக கவசம் அணிந்து வரவும், சமூக இடைவெளியை கடைபிடிக்கவும், கிருமி நாசினிகளை பயன்படுத்தவும் கோயில் நிர்வாகம் அறிவுறுத்தியுள்ளது.

Leave a Reply

Your email address will not be published. Required fields are marked *