ரயில்களுக்கும் ஊரடங்கு பொருந்துமா?
தமிழகத்தில், அதிகரித்து வரும் கொரோனா தொற்றை கட்டுப்படுத்த அரசு இன்று முதல் இரவு நேர ஊடங்கை அமல்படுத்த உள்ளது. இதனால், பொது போக்குவரத்திலும் மாற்றங்கள் செய்யப்பட்டுள்ளன.
இந்நிலையில், இரவு நேர ஊரடங்கு வடமாநிலங்களுக்குச் செல்லும் ரயில்களுக்கும் பொருந்துமா? என்ற கேள்வி மக்களிடம் எழுந்தது. இதனை ரயில்வே நிர்வாகம் தெளிவுபடுத்தியுள்ளது.
”தமிழகத்தில், இரவு நேர பொது முடக்கம் அமல்படுத்தப்பட்டுள்ள நிலையில், இரவு நேர ரயில் சேவை திட்டமிட்டபடி இயக்கும். அந்த வகையில், எழும்பூர் ரயில் நிலையத்தில் இருந்து நாள்தோறும், 27 ரயில்களும், சென்ட்ரல் ரயில் நிலையத்தில் இருந்து 45 ரயில்களும் இயக்கப்படுகிறது. இந்த ரயில் சேவைகளில் எந்த மாற்றமும் செய்யப்படவில்லை” என்று தெரிவிக்கப்பட்டுள்ளது.
