ஒரு குற்றவாளிக்கு எப்படி இவ்வளவு துணிச்சல் வந்தது? – ஸ்டாலின்

முதல்வரின் பாதுகாப்பு பணியை முடித்துவிட்டு சென்னை திரும்பிய பெண் ஐபிஎஸ் அதிகாரிக்கு சிறப்பு டிஜிபி ராஜேஷ் தாஸ் பாலியல் தொல்லை கொடுத்ததாக புகார் எழுந்தது. மேலும், பாதிக்கப்பட்ட அதிகாரியை புகாரளிக்க விடாமல் எஸ்.பி முருகன் தடுத்ததாக மற்றொரு பெண் காவலர் புகாரளித்தார். இந்தப் புகார்கள் பற்றி விசாரணை நடத்த 6 பேர் கொண்ட குழுவை நியமித்து தமிழக அரசு உத்தரவிட்டது.

 

இந்த வழக்கு பெரும் சர்ச்சையை கிளப்பியதையடுத்து, வழக்கு சிபிசிஐடி வசம் மாற்றப்பட்டது. இதனிடையே, வழக்கைத் தாமாக முன்வந்து விசாரித்த சென்னை உயர்நீதிமன்றம், பெண் காவல்துறை அதிகாரிகளுக்கே இந்த நிலைமையா? என அதிருப்தியை வெளிப்படுத்தியது. குற்றவாளிகளான சிறப்பு டிஜிபி, எஸ்.பி இருவரும் சஸ்பெண்ட் செய்யப்பட்டு காத்திருப்பு பட்டியலுக்கு மாற்றப் பட்டிருக்கிறார்களே தவிர கைது செய்யப்படவில்லை.

இந்த நிலையில், பெண் எஸ்பியின் பாதுகாப்பிற்கு அச்சுறுத்தலாக உள்ள சிறப்பு டிஜிபி, எஸ்.பி கைது செய்ய வேண்டுமென திமுக தலைவர் மு. ஸ்டாலின் தெரிவித்துள்ளார். பெண் எஸ்.பிக்கு கொலை மிரட்டல் விடுக்கும் அளவுக்கு ஒரு குற்றவாளிக்கு துணிச்சல் எப்படி வந்தது? இரண்டு அதிகாரிகளையும் சஸ்பெண்ட் செய்த பிறகும் இன்னும் கைது செய்யாமல் விட்டு வைத்திருப்பது எதற்காக? என்றும் அவர் கேள்வி எழுப்பியுள்ளார்.

Leave a Reply

Your email address will not be published. Required fields are marked *