பயோ-டாய்லெட்டாக மாறும் பழைய பேருந்துகள் : அசத்தும் கரூர் பள்ளி மாணவர்கள்

இந்தியா பல்வேறு தொழில்நுட்ப , பொருளாதார வகையில் முன்னேற்றம் அடைந்தாலும் இன்னும் திறந்த வெளியில் மலம் கழிக்கும் செயல்கள் தொடர்கதையாக நீள்கிறது .இதனிடையே கரூர் பகுதியினை சேர்ந்த மாணவர்கள் பழைய பேருந்துகளை சுற்றுச்சூழலுக்கு ஏற்ப மொபைல் பயோ-டாய்லெட்டாக மாற்றும் செயல்திட்டத்தினை வகுத்து உள்ளனர் .

கரூரில் உள்ள ஸ்ரீ சங்கரா வித்யாலயா மேனிலைப்பள்ளியில் 9 ஆம் வகுப்பு படிக்கும் ஏ ரெத்தினா, எஸ்வி அனு ஷிவானி மற்றும் எஸ்எஸ் நிதீஷ் ஆகிய மூவரும் தங்கள் ஆசிரியர் ஜே ராஜசேகரனின் உதவியுடன் பழைய பேருந்துகளை சுற்றுச்சூழலுக்கு உகந்த மொபைல் பயோ-டாய்லெட்டுகளாக மாற்ற யோசனை செய்தனர்.மேலும் என்னவென்றால், அனைத்து கழிவுகளும் ஒரு தொட்டியில் சேகரிக்கப்பட்டு, அதை உரமாக மாற்றும் வகையில் பயோ-டாய்லெட்கள் வடிவமைக்கப்படும். பின்னர் இவை விவசாயிகளுக்கு இலவசமாக வழங்கவும் திட்டமிட்டுள்ளனர் .

மாணவர்கள் ஆரம்பத்தில் பழைய பேருந்துகளை நடமாடும் கழிவறைகளாக மாற்றும் திட்டத்தை கொண்டு வந்தனர். பின்னர், கழிவுகளில் இருந்து உரம் தயாரிப்பதன் மூலம் அதை அடுத்த கட்டத்திற்கு கொண்டு செல்ல முடிவு செய்தோம், “என்று ராஜசேகரன் கூறுகிறார்.

இதற்கு மத்தியில் மாவட்டத்தில் உள்ள சுகாதார பணியாளர்களிடையே ஒரு கணக்கெடுப்பை நடத்தியதாகவும், மக்கள் திறந்த வெளியில் மலம் கழித்த பிறகு சிலர் மனிதக் கழிவுகளை அகற்ற வேண்டிய கட்டாயத்தில் இருப்பதைக் கண்டறிந்ததாகவும் ஆசிரியர் கூறுகிறார். குறிப்பாக “பண்டிகைகளின் போது திறந்தவெளியில் மக்கள் ,பொதுவெளியில் தான் மலம் கழிப்பதாக கூறுகிறார்கள் . ஏனெனில் நிகழ்வுகள் நடத்தப்படும்போது கழிப்பறைகள் அங்கு அமைக்கப்படுவது இல்லை” என்று ரெத்தின கூறுகிறார், இது நோய்களை ஏற்படுத்துகிறது.

திட்டம் என்ன :

பேருந்துகளில் பெண்கள் மற்றும் ஆண்களுக்கான எட்டு கழிவறைகளும், மாற்றுத்திறனாளிகளுக்காக வளைவில் சிறப்பாக வடிவமைக்கப்பட்ட கழிப்பறையும் இருக்கும். கூரையில் சோலார் பேனல்கள் பொருத்தப்பட்டு, கழிப்பறைகள் சுற்றுச்சூழலுக்கு உகந்ததாக இருப்பதை உறுதி செய்ய பேருந்துக்குள் மழைநீர் சேகரிப்பு முறையும் அமைக்கப்படும். மழைநீர் கழிப்பறைகளில் பயன்படுத்தப்படும். தவிர, பேருந்தில் வருவாய் ஈட்டுவதற்கும், பராமரிப்பு செலவுகளை எதிர்கொள்வதற்கும் விளம்பர இடங்கள் இருக்கும் என்று திட்டத்திற்கான மாதிரியை வடிவமைக்க உதவிய பள்ளி கலை ஆசிரியர் கார்த்திகேயன் கூறுகிறார்.

மாதிரியின் அவசியத்தை விளக்கி, அனு ஷிவானி கூறுகையில் , “திருவிழாக்கள் எப்போதாவது நடத்தப்படுவதால் கழிப்பறை கட்டுவது சாத்தியமில்லை. மேலும், பெரும்பாலான பொது கழிப்பறைகள் முறையாக பராமரிக்கப்படுவதில்லை. பல பெண்கள் பொது கழிவறைகளைப் பயன்படுத்தத் தயங்குவதற்கான முக்கிய காரணங்களில் இதுவும் ஒன்றாகும். பொது இடங்களில் கழிவறைகள் இல்லாததால் மாதவிடாய் பெண்களுக்கு சிரமம் ஏற்படுவதாகவும் கூறினார் .

தமிழகத்தில் எப்போது :

தங்கள் திட்டத்தின் சாத்தியக்கூறுகள் குறித்து பேருந்தின் பாகங்கள் வடிவமைக்கும் தொழிற்சாலைகளில் உள்ள பொறியாளர்களிடம் பேசியதாக நிதிஷ் கூறுகிறார். “அனைத்து பழைய பேருந்துகளும் ஸ்கிராப்பாக நிராகரிக்கப்பட்டு மறுசுழற்சி செய்யப்படவில்லை என்பதை அவரிடம் பேசியதன் மூலம் நாங்கள் அறிந்தோம். அவரிடம் கிடைத்த தகவல்களுக்கு பிறகு நாங்கள் எங்கள் திட்டத்தை முன்னெடுத்துச் சென்றோம். கர்நாடகா, தெலுங்கானா மற்றும் மகாராஷ்டிரா போன்ற மாநிலங்களில் கழிவறைகள் இணைக்கப்பட்ட பயணிகள் பேருந்துகள் இருந்தாலும், தமிழ்நாடு இன்னும் இதுபோன்ற பேருந்துகளை அறிமுகப்படுத்தவில்லை என்றும் மாணவர்கள் சுட்டிக்காட்டினர்.