#BREAKING காங்கிரஸ் தனித்து போட்டி… வெளியானது அதிரடி அறிவிப்பு!

பெரம்பலூரில் உள்ளாட்சி தேர்தலில் தனித்துப் போட்டியிட காங்கிரஸ் முடிவு எடுத்துள்ளது.

தமிழகத்தில் உள்ள 21 மாநகராட்சிகள், 138 நகராட்சிகள், 490 பேரூராட்சிகளில் பிப்ரவரி 19ஆம் தேதி உள்ளாட்சி தேர்தல் நடைபெறவுள்ளது. இதற்காக திமுக, அதிமுக கூட்டணிகளில் பேச்சுவார்த்தை நடைபெற்று வருகிறது.

எற்கனவே கேட்ட அளவிற்கு தொகுதிகளை கொடுக்கவில்லை என அதிமுக கூட்டணியில் இருந்து பாஜக விலகியது. தனித்து போட்டியிடுவதாக அறிவித்த பாஜக, தொடர்ந்து வேட்பாளர்கள் பட்டியலையும் வெளியிட்டு வருகிறது.

இந்நிலையில், பெரம்பலூர் மாவட்டத்தில் தனித்துப் போட்டியிட முடிவு செய்யப்பட்டுள்ளதாக பெரம்பலூர் மாவட்ட காங்கிரஸ் கமிட்டி தெரிவித்துள்ளது. இதுகுறித்து பெரம்பலூர் மாவட்ட காங்கிரஸ் கமிட்டி வெளியிட்டுள்ள அறிவிப்பில், “பெரம்பலூர் மாவட்டத்தில் நடைபெற உள்ள நகர்ப்புற உள்ளாட்சி தேர்தலில் இடஒதுக்கீடு தொடர்பாக காங்கிரஸ் கமிட்டி தேர்தல் பணிக்குழு, பெரம்பலூர் மாவட்ட திமுக தேர்தல் பணிக்குழுவுடன் இடஒதுக்கீடு தொடர்பாக பேச்சுவார்த்தை நடைபெற்றது.

இதில் உடன்பாடு ஏற்படாததை அடுத்து திமுக கூட்டணியில் இருந்து விலகி தனித்து போட்டியிடுவது என முடிவு செய்யப்பட்டுள்ளது” என்று தெரிவித்துள்ளது. திமுக – காங்கிரஸ் கூட்டணி வலுவாக உள்ள நிலையில், பெரம்பலூரில் காங்கிரஸ் தனித்து போட்டியிட முடிவு செய்துள்ளது பரபரப்பை ஏற்படுத்தியுள்ளது.

Leave a Reply

Your email address will not be published.

மத்திய அரசால் மூன்று முறை தடை செய்யப்பட்ட இயக்கம்தான் ஆர்எஸ்எஸ் – திருமுருகன் காந்தி

மக்களால் தேர்ந்தெடுக்கப்பட்ட அரசு கொண்டுவரும் சட்டங்களையும், திட்டங்களையும் தடுக்க ஆளுநருக்கு எந்த உரிமையும்…