அதிமுகவில் நீடிக்கும் குழப்பம்! எதிர்கட்சித் தலைவர் யார்?
தமிழகத்தில் நடந்து முடிந்த தமிழக சட்டமன்றத் தேர்தலில் திமுக பெரும்பான்மை இடங்களில் வெற்றி பெற்று ஆளுங்கட்சியாக பொறுப்பேற்றது. அதிமுக எதிர்கட்சி அந்தஸ்தைப் பெற்றுள்ளது.
ஆனால், எதிர்கட்சித்தலைவர் யார் என்ற குழப்பம் தற்போது அதிமுகவில் நீடித்து வருகிறது. கடந்த வெள்ளிக் கிழமை நடைபெற்ற அதிமுக எம்.எல்.ஏக்கள் கூட்டத்தில் தலைவர் யார் என முடிவு செய்து அறிவிக்கப்படும் என தெரிவிக்கப்பட்டிருந்தது. ஆனாலும், வெளியாக வில்லை.
இதனையடுத்து, இன்று காலை முதல் மீண்டும் அதிமுக எம்.எல்.ஏக்கள் கூட்டம் நடைபெற்று வருகிறது. இதில், கட்சியின் ஒருங்கிணைப்பாளர் ஓ. பன்னீர் செல்வம் எதிர்கட்சித் தலைவர் பதவிக்கு முன்னாள் சபாநாயகர் தனபால் பெயரை முன்மொழிந்துள்ளதால் புதிய திருப்பம் ஏற்பட்டுள்ளது.
