”காவிரி- வைகை- குண்டாறு இணைப்புத் திட்டம் கண் துடைப்பு வேலை” ப.சிதம்பரம் பளீர்!

காவிரி- வைகை- குண்டாறு இணைப்புத் திட்டம் கண் துடைப்பு வேலை என மத்திய முன்னாள் மந்திரி ப.சிதம்பரம் கூறியுள்ளார்.

சிவகங்கை மாவட்டம் சிங்கம்புணரியில் நடைபெற்ற வாக்குச்சாவடி முகவா் பொறுப்பாளா்கள் கூட்டத்துக்கு தலைமை வகித்த மத்திய முன்னாள் மந்திரி ப.சிதம்பரம்பேசியதாவது: ”முன்னாள் முதலமைச்சர் ஜெயலலிதா இருந்த காலத்தில் பழனிசாமி எங்கு இருந்தார் என்பதே யாருக்கும் தெரியாது. கால சூழ்நிலையில் அவா் திடீரென முதலமைச்சர் ஆகிவிட்டார்.

அவா் ஆட்சிக்கு வந்து 4 ஆண்டு காலம் நீண்ட உறக்கத்தில் இருந்து விட்டு தற்போது 3 மாதங்களாக ஊா் ஊராகச் சுற்றி வருகிறார். சட்டப் பேரவைத் தோதல் நெறுங்குவதால் காவிரி- வைகை- குண்டாறு இணைப்புத் திட்டத்துக்கு அடிக்கல் நாட்டுகிறார்கள். இந்தத் திட்டத்தை செயல்படுத்த 8 ஆண்டுகளுக்கும் மேலாகிவிடும். அலாவுதீன் அற்புத விலக்கைப் போன்று தேய்த்த உடனே திட்டம் வந்து விடுமா? இதெல்லாம் கண் துடைப்பு வேலை.

கொரோனா பொதுமுடக்கக் காலத்தில் 10 லட்சம் பேர் மீதான வழக்கை வாபஸ் பெறுவது என்பது வேடிக்கையான அறிவிப்பு. இதற்கென அவா் கின்னஸ் புத்தகத்தில் வேண்டுமானால் இடம் பெறலாம். பாஜக, இந்தியப் பொருளாதாரத்தைச் சீரழித்து ஜாதி, மதக் கலவரங்களை ஏற்படுத்தி சிறுபான்மையினரை அச்சுறுத்தி வருகிறது. விவசாயிகளுக்கு எதிராகவும் அக்கட்சி செயல்படுகிறது” என்று பேசினார்.

Leave a Reply

Your email address will not be published. Required fields are marked *