பெண்களின் ஆடை குறைப்பே பாலியல் வன்முறைக்கு காரணம்…சர்ச்சைக்குரிய கருத்து தெரிவித்த பிரதமர்!

பெண்கள் குட்டையான ஆடைகள் அணிவதால்தான் பாலியல் வன்கொடுமை ஏற்படுவதாக பாகிஸ்தான் பிரதமர் இம்ரான் கான் சர்ச்சைக்குறிய கருத்தை தெரிவித்துள்ளார்.

எச்பிஓ தொலைக்காட்சிக்கு பேட்டியளித்த அவர், பெண்கள் குறைவான ஆடையை அணிவதால் ஆண்கள் பாலியல் ரீதியாக தூண்டப்படுகிறார்கள். அப்படி தூண்டப்படாமல் இருக்க ஆண்கள் ரோபோக்களாக மட்டுமே இருக்க முடியும். இது ஒரு சாதாரண விஷயம். பாகிஸ்தானில் டிஸ்கோத்தே கிடையாது, நைட் கிளப்கள் கிடையாது, இங்கிருக்கும் வாழ்க்கை முறை வித்தியாசமானது என்றார்.

இப்படி இருக்கும் நாட்டிலேயே ஆண்கள் பாலியல்ரீதியாக தூண்டும் விதத்தில் பெண்கள் உடையணிந்தால், அதன் விளைவுகளை சந்திக்க நேரிடுமே தவிர வேறு வழியில்லை. பாலியல் வன்முறை நிகழ்வதற்கு இந்த சமுதாயமும் ஒரு காரணமாக இருக்கிறது. இங்குள்ள சமுதாய மக்களுக்கு இது போன்ற ஆடைக்குறைப்பு எல்லாம் அறியாதவர்கள். அப்படி இருந்த சமூகத்தில் இப்படியான ஆடைக் குறைப்புகளும் கலாசாரமும் வரும்போது, அதன் பாதிப்பு நிச்சயம் இருக்கும் என்று அவர் சர்ச்சைக்குரிய கருத்தை தெரிவித்துள்ளார்.

பாகிஸ்தான் பிரதமரின் இந்த கருத்திற்கு பலரும் கண்டனம் தெரிவித்து வருகின்றனர்.

Leave a Reply

Your email address will not be published. Required fields are marked *