பயிற்சி வகுப்பு இல்லை ஆனால் ஆகஸ்டில் நீட் தேர்வு… கதறும் தமிழக மாணவர்கள்!
தமிழகத்தில் கொரோனா பரவல் தொடர்ந்து தீவிரமாக பரவி வருகிறது. இதனால் பள்ளி மாணவர்களுக்கு பள்ளிகளை திறப்பதில் கடந்த ஆண்டிலிருந்தே சிக்கல் நீடித்து வருகிறது. மேலும் மாணவர்களுக்கு தேர்வுகள் நடத்துவதிலும் தொடர்ந்து சிக்கல் ஏற்பட்டதையடுத்து பல மாநிலங்களில் தேர்வுகள் ரத்து செய்யப்பட்டுள்ளன.
இந்நிலையில் தேசிய தேர்வு முகமை நீட் தேர்வு வருகிற ஆகஸ்ட் 1 ஆம் தேதி நடைபெறும் என அறிவித்துள்ளது. தமிழக அரசு மாணவர்களுக்கு பள்ளி வார இறுதி நாட்களில் நீட் தேர்விற்காக வகுப்புகள் எடுத்து வந்தன. ஆனால் கொரோனா பரவலின் தீவிரத்தால் மாணவர்களுக்கான இந்த நீட் தேர்வு பயிற்சி வகுப்புகள் நடத்த முடியாத சூழல் ஏற்பட்டுள்ளது.
மாணவர்களுக்கு பயிற்சி வகுப்புகள் நடத்தப்படாத நிலையில் நீட் தேர்வு வருகிற ஆகஸ்டில் நடைபெற உள்ளது மாணவர்களின் மனதில் அச்சத்தை ஏற்படுத்தியுள்ளது. தற்போதும் கொரோனா பரவல் அதிதீவிரமாக இருப்பதால் மாணவர்களுக்கு நீட் பயிற்சி வகுப்புகள் நடத்துவதற்கான வாய்ப்பு மிக மிகக் குறைவு என்பதால் அரசு பள்ளி மாணவர்கள் கலக்கத்தில் உள்ளனர்.
