பா.ரஞ்சித் அறிமுகம் செய்த நடிகர் ஹரிகிருஷ்ணன் நாயகனாக நடிக்கும் புதிய படம் அறிவிப்பு..!!

நடிகர் ஹரிகிருஷ்ணன் நடிக்கும் புதிய படத்தை இயக்குனர் பா.ரஞ்சித் இன்று தொடங்கி வைத்தார்.இயக்குனர் பா.ரஞ்சித்தின் மெட்ராஸ் திரைப்படத்தில் ஜானியாக நடித்த நடிகர் ஹரிகிருஷ்ணன் நாயகனாக நடிக்கும் படத்தை  இயக்குநர் ஜஸ்டின் பிரபு இயக்குகிறார். 

நாயகியாக டூலெட், மண்டேலா திரைப்படங்களில் நடித்த நடிகை ஷீலா ராஜ்குமார் நடிக்கிறார்.கோல்டன் சுரேஷ் தயாரிக்கும் இந்தப் படத்திற்கு குமரன் ஒளிப்பதிவு செய்கிறார். இந்த படத்தின் துவக்க விழா சென்னையில் இன்று நடைபெற்றது. இயக்குநர் பா.ரஞ்சித் இந்த தொடக்க நிகழ்வில் கலந்து கொண்டு பணிகளை தொடங்கி வைத்தார்.

நடுத்தர வர்க்கத்தின் அன்றாட வாழ்க்கையில் நடக்கும் யதார்த்தமான சம்பங்களை கொண்டு இப்படம் உருவாக உள்ளது. படத்தின் படப்பிடிப்பு கிருஷ்ணகிரி மற்றும் அதன் சுற்றுவட்டார பகுதிகளில் நடக்க இருக்கிறது என்று படக்குழு தெரிவித்தது.

மஞ்சள் சினிமாஸ் சார்பில் கோல்டன் சுரேஷ், விஜயலஷ்மி இந்த படத்தை தயாரித்து வருகிறது 

Leave a Reply

Your email address will not be published.