‘விக்ரம்’ படத்தின் புதிய அப்டேட் வெளியானது!
மாஸ்டர் பட வெற்றியைத் தொடர்ந்து லோகேஷ் கனகராஜ் இயக்கி உள்ள திரைப்படம் விக்ரம். இதில் உலக நாயகன் கமல் ஹாசனுடன் விஜய் சேதுபதி, பகத் பாசில், நரேன், அர்ஜுன் தாஸ், காளிதாஸ் ஜெயராம், ஷிவானி நாராயணன் என மிகப்பெரிய நட்சத்திர பட்டாளமே நடித்துள்ளனர். இந்த படத்தை கமல் தனது சொந்த தயாரிப்பு நிறுவனமான ராஜ்கமல் பிலிம்ஸ் மூலமாக தயாரித்து வருகிறார்.
‘விக்ரம்’ திரைப்படம் வருகிற ஜூன் 3-ஆம் தேதி தமிழ், தெலுங்கு, மலையாளம் என அனைத்து மொழிகளிலும் வெளியாக உள்ளது. தற்போது உலகநாயகன் கமல்ஹாசன் ‘விக்ரம்’ படம் ப்ரோமோஷன் வேலையில் மும்மரமாக ஈடுபட்டு வருகிறார். அது மட்டும் இல்லாமல் மலேசியாவில் விக்ரம்-3 படத்தில் சூர்யா நடிப்பார் என்றும், விஜய் கால்ஷீட் கொடுத்தால் விஜயுடன் இணைத்து பணிபுரிவேன் என்றும் கூறினார்.
தற்போது ரசிகர்கள் ‘விகாரம்’ படத்திற்காக ஆவலுடன் காத்திருக்கிறார்கள். இந்த நிலையில் விக்ரம் படத்தில் இருந்து புதிதாக ஒரு போஸ்டரை படக்குழுவினர் வெளியிட்டுள்ளனர். விக்ரம் படத்தில் பகத் பாசில் அமர் என்ற கதாபாத்திரத்தில் நடித்து வருகிறார் என்று படக்குழுவினர் போஸ்டருடன் வெளியிட்டுள்ளனர்.
