விரைவில் வெளியாகிறது ‘யானை’ படத்தின் ட்ரைலர்!
தமிழ் திரையுலகில் முன்னணி இயக்குனரில் ஒருவராக இருப்பவர் ஹரி. சிங்கம் போன்ற வெற்றி படங்களை இயக்கிய இவர் தற்போது அருண் விஜய்யை வைத்து ‘யானை’ படத்தை இயக்கி வருகிறார். பிரபல தயாரிப்பு நிறுவனமான டிரம்ஸ்டிக்ஸ் புரோடக்சன்ஸ் தயாரிப்பில் உருவாகியுள்ள திரைப்படம் யானை.
இந்த திரைப்படத்தில் அருண் விஜய்யுடன் இணைந்து பிரியா பவானி சங்கர், ராதிகா சரத்குமார், சமுத்திரக்கனி, யோகி பாபு, அபிராமி மற்றும் விஜய் டிவி புகழ் உள்ளிட்ட பலர் நடித்திருக்கிறார்கள். இந்த திரைப்படத்திற்கு ஜீவி பிரகாஷ் இசையமைத்துள்ளார். சமீபத்தில் இந்த திரைப்படத்தின் டீசர் வெளியாகி ரசிகர்கள் மத்தியில் நல்ல வரவேற்பைப் பெற்றிருந்தது.
தற்போது ‘யானை’ படத்தை பற்றிய புதிய அப்டேட் ஒன்று வெளியாகி உள்ளது. அதாவது ஹரி இயக்கத்தில் அருண் விஜய் நடித்துள்ள யானை திரைப்படத்தின் ட்ரைலர், வருகிற 30ம் தேதி மாலை 6 மணிக்கு வெளியாகும் என படகுழுவினர் அதிகாரபூர்வமாக அறிவித்துள்ளனர்.
