விமானநிலையத்தில் விக்ரம்!
மாஸ்டர் பட வெற்றியை தொடர்ந்து லோகேஷ் கனகராஜ் இயக்கி உள்ள திரைப்படம் விக்ரம். இதில் உலக நாயகன் கமல் ஹாசனுடன் விஜய் சேதுபதி, பகத் பாசில், நரேன், அர்ஜுன் தாஸ், காளிதாஸ் ஜெயராம், ஷிவானி நாராயணன் என மிகப்பெரிய நட்சத்திர பட்டாளமே நடித்துள்ளனர். இந்த படத்தை கமல் தனது சொந்த தயாரிப்பு நிறுவனமான ராஜ்கமல் பிலிம்ஸ் மூலமாக தயாரித்து வருகிறார்.
அனிருத் இசையமைக்கும் இப்படத்திற்கு கிரிஷ் கங்காதரன் ஒளிப்பதிவு செய்கிறார். சமீபத்தில்தான் ‘விக்ரம்’ படத்தின் ட்ரைலர் மற்றும் ஆடியோ லான்ச் நிகழ்ச்சி கோலாகலமாக நடந்து முடிந்தது. மேலும் படத்தின் பாடல்கள் வெளியாகி ரசிகர்கள் மத்தியில் நல்ல வரவேற்பை பெற்று வந்தது. வருகிற ஜூன்-3 ஆம் தேதி ‘விக்ரம்’ படம் வெளியாக உள்ளது.
தற்போது படக்குழுவினர் புரொமோஷன் பணிகளில் ஈடுப்பட்டு வருகிறார்கள். கமல் மற்றும் லோகேஷ் கனகராஜ் பல நேர்காணலில் கலந்து கொண்டு படத்தை பற்றி பேசி வருகிறார்கள். இந்த நிலையில் சென்னை விமான நிலையத்தில் ‘விக்ரம்’ படத்தின் போஸ்டர் இருக்கும் புகைப்படம் இணையத்தில் வைரலாகி வருகிறது.
