நடிகர் கமல் வீட்டு வாசலில் நின்றேன் -லோகேஷ் கனகராஜ்!
லோகேஷ் கனகராஜின் இயக்கத்தில், அனிருத் இசையில், கமல்ஹாசன், பகத் பாசில், விஜய் சேதுபதி ஆகியோர் நடிப்பில் உருவாகி உள்ள திரைப்படம் “விக்ரம்”. படத்தின் பின்னணி வேலைகள் முடிந்து ரிலீசுக்கு தயாராகி வருகிறது. “விக்ரம்” படம் வருகிற ஜூன் -3 ஆம் தேதி வெளியாகும் என்று அறிவிக்கப்பட்டுள்ளது.
ராஜ் கமல் தயாரிப்பு நிறுவனம் மற்றும், ரெட் ஜியன்ட் நிறுவனம் இணைந்து இந்த படத்தை தயாரித்துள்ளனர். சமீபத்தில் “விக்ரம்” படத்தில் இருந்து கமல்ஹாசன் எழுதி, பாடிய ‘பத்தல பத்தல’ பாடல் இணையத்தில் வெளியாகி வைரலானது. அது மட்டும் இல்லாமல் நேற்று சென்னையில் “விக்ரம்” படத்தின் ட்ரைலர் மற்றும் ஆடியோ வெளியீட்டு நிகழ்ச்சி பிரமாண்டமாக நடைபெற்றது.
இந்த நிகழ்ச்சியில் பல பிரபலங்கள் கலந்துகொண்டனர். மேலும் இந்த நிகழ்ச்சியை வருகிற மே-22 ஆம் தேதி விஜய் தொலைகாட்சியில் ஒளிபரப்பபடும் என்றும் தெரிவித்துள்ளனர். நிகழ்ச்சியில் பேசிய படத்தின் இயக்குனர் லோகேஷ் கனகராஜ், தான் சிறுவயதில் இருக்கும் போது கமல் ஹாசனின் வீட்டு வாசலில் நின்று அவர் கையசைக்க மாட்டாரா என்று காத்திருந்தேன். இப்பொது அவர் படத்திற்கு அச்ஷன், கட் சொல்லி இருக்கிறேன் என்று கூறியுள்ளார்.
