பிக் பாஸ் சீசன்- 5யில் கலந்து கொள்ள மாட்டேன்-நடிகை லட்சுமி ராமகிருஷ்ணன்!
கமல் தொகுத்து வழங்கும் பிக்பாஸ் நிகழ்ச்சிக்கு, ரசிகர்களிடையே மாபெரும் வரவேற்பு உள்ளது. இந்த நிகழ்ச்சிக்கு பல தரப்பிலிருந்து எதிர்ப்புகள் கிளம்பினாலும் மக்கள் மத்தியில் வெற்றி பெற்ற ஒரு நிகழ்ச்சியாகவே இருக்கிறது. தற்போது சீசன் 5 நிகழ்ச்சி விரைவில் தொடங்க இருக்கிறது. இதற்கான புரமோ சமீபத்தில் வெளியாகி ரசிகர்களிடையே நல்ல வரவேற்பு பெற்றது.
இதைத் தொடர்ந்து பிக்பாஸ் 5 சீசனில் கலந்துக் கொள்ளும் பிரபலங்கள் பற்றிய செய்திகள் இணையத்தில் வலம் வருகின்றன. இந்நிலையில் பிரபல நடிகை லட்சுமி ராமகிருஷ்ணன், பிக்பாஸ் சீசன் 5 நிகழ்ச்சியில் கலந்து கொள்ள போவதாக பலரும் சமூக வலைத்தளத்தில் செய்திகளை பகிர்ந்து வந்தனர். இதற்கு லட்சுமி ராமக்ரிஷ்ன, நான் பிக் பாஸ் சீசன்-5ல் கலந்துக் கொள்ளவில்லை என்று கூறியிருக்கிறார்.
இது குறித்து சமூக வலைத்தள பக்கத்தில் பதிவிட்டிருக்கும் அவர், “பிக்பாஸ் போட்டியாளர் பட்டியலில், ஒவ்வொரு சீசனிலும் எனது பெயரை பார்க்கிறேன். நான் பிக்பாஸ் தமிழ் 5-ம் சீசனில் இல்லை. பட்டியலில் இருந்து என் பெயரை நீக்கவும்” எனத் தெரிவித்துள்ளார். இதையடுத்து பிக்பாஸ் 5-ல் லட்சுமி ராமகிருஷ்ணன் இல்லை என்பது உறுதியாகியிருக்கிறது.
