ஒரே நாடு என்ற எண்ணத்தில் பாஜக இவ்வாறு செயல்படுகிறது… குற்றம்சாட்டும் தங்கர் பச்சான்

இயக்குநரும், நடிகருமான தங்கர் பச்சான் சென்னை காவல் ஆணையரிடம் புகார் மனு ஒன்றை அளித்துள்ளார். அதில், தன் பெயரில் அவதூறு பரப்புபவர்கள் மீது நடவடிக்கை எடுக்க வேண்டும் எனத் தெரிவித்துள்ளார்.

காவல் ஆணையரிடம் புகாரளித்த பின்பு தங்கர் பச்சான் செய்தியாளர்களைச் சந்தித்தார். அப்போது அவர், “ நான் 30 ஆண்டுகளுக்கு மேலாக தமிழ் திரைப்படத்துறையிலும் இலக்கியத் துறையிலும் ஈடுபட்டு வருகிறேன்.

கடந்த மூன்றாண்டுகளுக்கு மேலாக என் புகைப்படத்தைப் பயன்படுத்தி நான் வெளியிடாத கருத்துகளை வெளியிட்டுச் சிலர் அவதூறு பரப்பி வருகின்றனர். இது தொடர்பாக எச்சரிக்கை விடுக்கும் வண்ணம் கடந்த ஜூலை 13 ,2020 ஆண்டு ஊடங்களிலும் சமூக இணைய தளங்களிலும் அறிக்கை ஒன்றை வெளியிட்டிருந்தேன்.

அண்மையில் ஒளிப்பதிவு திருத்த சட்டமசோதாவுக்கு ஆதரவாக கருத்து தெரிவிப்பது போல் பிரபல தொலைக்காட்சி ஒன்றின் லோகவை பயன்படுத்தி அவதூறு பரப்பி வருகின்றனர். இவ்வாறு பொய்ச் செய்திகளை வெளியிடுவோர் மீது நடவடிக்கை எடுக்கக்கோரி புகார் அளித்துள்ளேன்.

ஒளிப்பதிவு திருத்த சட்ட மசோதா ஆபத்தானது, திரைப்படத் தொழிலையே அழிக்கக்கூடியது. பெரிய நடிகர்கள் அனைவரும் ஓன்றாகச் சேர்ந்து இதனை எதிர்க்க வேண்டும். நடிகர் ரஜினியும் தனது நிலைப்பாட்டைத் தெரிவிக்க வேண்டும்.

ஒரே நாடு அமைப்பது என்ற எண்ணத்தின் அடிப்படையில் பாஜக அரசு தொடர்ந்து இதைச் செய்து வருகிறது.நாடாளுமன்ற உறுப்பினர்களும் மக்களவையில் இது குறித்து குரல் எழுப்ப வேண்டும்” எனப் பேசினார்.

Leave a Reply

Your email address will not be published. Required fields are marked *

Drupathi

“உலகமே இந்தியாவை எதிர்நோக்கியுள்ளது” – குடியரசுத் தலைவர் உரை!

குடியரசு தலைவர் உரையுடன் தொடங்கியது நாடாளுமன்ற பட்ஜெட் கூட்டத்தொடர் இன்று தொடங்கியது. நாடாளுமன்றத்தில்…

துரோகம் என்பது அவர்களது மரபணுவில் உள்ளது எடப்பாடி அணியை வச்சு செய்த பி.வி.கே.பிரபு

துரோகத்தின் மொத்த உருவம் எடப்பாடி பழனிச்சாமி அணியினர் துரோகம் என்பது அவர்களது மரபணுவிலே…

போக்குவரத்து பெண் தலைமை காவலரை கன்னத்தில் அறைந்த அதிமுக வழக்கறிஞர் அராஜகம்…!

சிவகாசியில் போக்குவரத்து பெண் தலைமை காவலரை கன்னத்தில் அறைந்த அதிமுக வழக்கறிஞர் கைது!சிவகாசி…

தமிழ்நாட்டில் எதிர்க்கட்சிகளே இல்லை… தேவையும் இல்லை… சுப. வீரபாண்டியன் நறுக்

தமிழ்நாட்டில் மக்களை மதத்தால் பிரிக்கும் சூழ்ச்சிகள் நடைபெற்று வருகிறது. மீஞ்சூரில் திருவள்ளுவர் சிலை…