தேதிகள் இல்லை; விஐய் சேதுபதி விலகல்

டாம் ஹாங்ஸ் நடிப்பில், ராபர்ட் ஸெமிக்ஸ் இயக்கத்தில் 1994-ம் ஆண்டு வெளியான திரைப்படம் ‘ஃபாரஸ்ட் கம்ப்’ (Forrest Gump). இது 1986-ல் வின்ஸ்டன் க்ரூம் எழுதிய நாவலின் அடிப்படையில் உருவான படம். ஹாலிவுட்டில் வெளியான மிகச்சிறந்த திரைப்படங்களில் ஒன்று எனப் பெயர் பெற்று, உலக அளவில் எண்ணற்ற ரசிகர்களைக் கொண்டது.

5 ஆஸ்கர் விருதுகளை வென்ற இந்தப் படத்தின் அதிகாரபூர்வ இந்தி ரீமேக்கில் தற்போது அமீர்கான் நடித்து வருகிறார். அட்வைத் சந்தன் இயக்கி வரும் இந்தப் படத்துக்கு ‘லால் சிங் சட்டா’ எனப் பெயரிட்டுள்ளது. இதில் நாயகியாக கரீனா கபூர் நடித்துள்ளார். மேலும், இதில் முக்கியக் கதாபாத்திரத்தில் நடிக்க விஜய்  சேதுபதி  ஒப்பந்தமானார்.

சில மாதங்களுக்கு முன்பு, இந்தப் படத்திலிருந்து விஜய் சேதுபதி விலகிவிட்டார் எனத் தகவல் வெளியானது. இதனைத் தொடர்ந்து விஜய் சேதுபதி விலகலுக்குப் பல்வேறு காரணங்கள் கூறப்பட்டு வந்தது.

தற்போது விஜய் சேதுபதி விலகியதற்கான காரணம் தெரியவந்துள்ளது. கரோனா ஊரடங்கு சமயத்தில்தான் ஆமீர்கான் படத்துக்காகத் தேதிகள் ஒதுக்கினார் விஜய் சேதுபதி. அந்தச் சமயத்தில் எந்தவொரு படப்பிடிப்புமே நடைபெறவில்லை. மீண்டும் படப்பிடிப்பு தொடங்கப்பட்டு, விஜய் சேதுபதியிடம் தேதிகள் கேட்டபோது அவரிடம் தேதிகள் இல்லை.

எனவே,  இந்தத் தேதிகள் பிரச்சினைகளாலேயே விஜய் சேதுபதி  நடிக்க முடியாமல் போனது. இதனை ஆமிர்கானிடம் தெரிவித்துவிட்டே விஜய் சேதுபதி விலகியுள்ளார்.

Leave a Reply

Your email address will not be published.

தனியார் மயமாக்கும் மின்சார சட்ட திருத்தத்தை திரும்பபெறவேண்டும் முத்தரசன் கண்டனம்

நாட்டின் கட்டமைப்பை ஒழித்து கட்ட முயலும் பாஜகவின் நடவடிக்கைகளை கண்டித்தும், மத நல்லிணக்கத்தை…

மூன்று நாட்களாக கட்டணமில்லாமல் கடந்து செல்லும் வாகனங்கள், டோல்கேட் ஊழியர்கள் உள்ளிருப்பு போராட்டம் 

பெரம்பலூர் திருமாந்துறை சுங்கச்சாவடியில் மூன்று நாட்களாக அனைத்து ஊழியர்களும் பணிகளை புறக்கணித்து உள்ளிருப்பு…