40 இந்திய மீனவர்களை சிறைப்பிடித்து சென்ற இலங்கை கடற்படை!

கச்சத்தீவு அருகே மீன்பிடித்து கொண்டிருந்த 40 தமிழகம் மற்றும் புதுச்சேரியை சேர்ந்த மீனவர்களை எல்லை தாண்டி  மீன்பிடித்ததாக கூறி இலங்கை கடற்படையினர் சிறைப்பிடித்து சென்றுள்ளனர்.

இலங்கை கடற்படையினர் மீன் பிடிக்க செல்லும் தமிழக மீனவர்களை சிறைபிடித்து என தொடர்ந்து அட்டூழியம் செய்து வருகின்றனர். இந்நிலையில், புதுச்சேரி மற்றும் ராமேஸ்வரத்திலிருந்து நேற்று முன் தினம் கடலுக்குள் மீன்பிடிக்க சென்ற 40 மீனவர்களை இலங்கை கடற்படை சிறைபிடித்துள்ளது.

கச்சத்தீவு அருகே மீன் பிடித்துக் கொண்ட மீனவர்களை எல்லைத் தாண்டி மீன்பிடித்ததாக கூறி வழிமறித்த இலங்கை கடற்படையினர், 40 மீனவர்களை சிறைபிடித்து மட்டுமல்லாமல், 2 விசைப்படகுகளையும் பறிமுதல் செய்துள்ளனர்.

ஐநா பாதுகாப்பு கவுன்சிலில் இலங்கைக்கு எதிராக தீர்மானம் நிறைவேற்றப்பட்ட நிலையில் இலங்கை கடற்படை அத்துமீறலில் ஈடுபட்டுள்ளது குறிப்பிடத்தக்கது.