இந்தியாவில் எப்போது அறிமுகம் ஆகிறது விவோ S9e..?
Vivo S9e ஸ்மார்ட்போனின் விலை, விவரக்குறிப்புகள் வெய்போவில் கசிந்துள்ளது. பெயரைக் கொண்டு ஆராயும்போது, விவோ எஸ் 9இ ஸ்மார்ட்போன், விவோ எஸ் 9 இன் ஒரு அங்கமாகத் தெரிகிறது. இது வரும் மார்ச் மாதத்தில் அறிமுகம் செய்யப்படும் என்று எதிர்பார்க்கப்படுகிறது.
விவோ எஸ் 9 இன் விவரக்குறிப்புகள் மற்றும் விலை ஆன்லைனில் கசிந்துள்ளது. ஆனால் அதன் வெளியீட்டு தேதி இன்னும் அறியப்படவில்லை. விவோ எஸ் 9 இ 4,100 எம்ஏஎச் பேட்டரியை பேக் செய்யும் என்று கூறப்படுகிறது. இது வரவிருக்கும் விவோ எஸ் 9 இல் இருக்கும் 4,000 எம்ஏஎச் பேட்டரியை விட சற்றே பெரியது.
விவோ எஸ் 9 இ ஸ்மார்ட்போன் 8 ஜிபி ரேம் + 128 ஜிபி சேமிப்பக மாடலுக்கு சிஎன்ஒய் 2,298 (தோராயமாக ரூ .25,700) மற்றும் 8 ஜிபி ரேம் + 256 ஜிபி சேமிப்பு மாடலுக்கு சிஎன்ஒய் 2,598 (தோராயமாக ரூ. 29,000) என்று விலை இருக்கும் என தெரிவிக்கப்பட்டுள்ளது.
விவரக்குறிப்புகளைப் பொறுத்தவரை, விவோ எஸ் 9 இ 6.44 இன்ச் AMOLED டிஸ்ப்ளே வாட்டர் டிராப்-ஸ்டைல் நாட்ச் மற்றும் 90 ஹெர்ட்ஸ் புதுப்பிப்பு வீதத்துடன் இடம்பெறும் என்று எதிர்பார்க்கப்படுகிறது. இது மீடியாடெக் டைமன்சிட்டி 820 SoC மற்றும் 33W ஃப்ளாஷ் சார்ஜ் ஆதரவுடன் 4,100mAh பேட்டரியுடன் வருகிறது.
விவோ எஸ் 9 இ 64 மெகாபிக்சல் அல்ட்ரா-வைட்-ஆங்கிள் பிரைமரி லென்ஸுடன் மூன்று பின்புற கேமரா அமைப்பைக் கொண்டுள்ளது. இந்த ஸ்மார்ட்போனின் முன்னால் 32 மெகாபிக்சல் சாம்சங் ஜிடி 1 சென்சார் இருப்பதாகக் கூறப்படுகிறது. இதுபோக இந்த ஸ்மார்ட்போன் பற்றிய கூடுதல் தகவல்களை நாம் வரும் வாரத்தில் கூடுதல் உறுதியுடன் பார்க்கலாம்.
